من وقت للتانى
لما باحس بقرب أحزانى
باخاف منها و أجرى بسرعة
وأستخبى فى حضن أول سراب
وأفتكره باب...باب أمل حيعدينى لأبعد الأحلام
أصدق وأعدى منه و أنام
وأفوق على ريحة أحزانى بتصحينى
من وقت للتانى
لما بتملانى أحزانى
أجرى أدور على أى قلة
وأشرب من مية الأحلام
وأخاف أنام لاصحى على ريحة موت
موت الحلم الضعيف على أيد الأحزان
من وقت للتانى
باستسلم لأحزانى
و أتمنى يجى اليوم و أموت جنب أحلامى الضعاف
وأخاف....لو اليوم ده مايجيش
No comments:
Post a Comment