بــيــقــولــك

بيقولك كل و اشرب و اديها ونام و عيش
وبيقولك انسى حلمك و انسى نفسك
و انسى حتى شكلك و برضه عيش
انسى امك و انسى اهلك و انسى املك
و هاااأو....وابقى قابلنى وعيش
انسى عينك وانسى ودنك و انسى بقك
ولا اقولك ماتنسى عقلك و عيش
بيقولك... انسى قلبك.. و قلمك.. و فكرك
عشان ماحدش يفتكرك
و عشان... يمكن تعيش
بيقولك....انسى تعيش
والاحسن ماتفهمنيش

جوه البيت

جوه البيت كان فى احساس جوه البيت
جوه البيت كان فى انسان بيحس ساعات ويدوب فى حنين
جوه البيت كان القلب مرسوم مشنوق بحبال متعلق على اول حيط

جوه البيت كان السهر و يا الصحاب ويا القمر لحظه هدوء أحسن كتيرمن الظيط
جوه البيت صدق كتير حب كتير لكن أكيدمش هافضل اسير جوه البيت
جوه البيت اكيد راح أقعد افكر و أزود عقلى يجوع قلبى بيصرخ
جوه البيت حيطان كتير بتمنع امل مخنوق لكنه شىء محتمل

جوه البيت مرت ليالى و سهرت ليالى هاسهر وانام جوه البيت
جوه البيت انا و أحنا وهما ناس غريبه تعدى واكيد هاتروح الغمه وتفوق الامه

جوه البيت فيه اودة كبيره فيها الجده قاعده وحيده بتبص عليا من ورا نضاره
جوه البيت أخويا بيغنى ذكرى حبيبته فاكريعنى أن الحب لسه يكون جوه البيت
جوه البيت الحاج اهو قاعد يقرا جرنانه ومش بيساعد بيحسب ان فى اخبار عن حبايبنا جنب الدار

جوه البيت راح أمشى و أمشى
أعمل ايه ده الكل باعنى
هافضل كده عايش لوحدى جوه البيت