حلف أبويا فى يوم
يضرب عيارين
فرحان بأبنه
عيار فى الهوا وعيار صابنى
عيار الفرح ده قتلنى
عيار خلانى مش قادر
مش قادر اقول أنا مين
عمال أسال عملت أنا ايه
هو يأمر و أنا أنفذ
بقيت حلمه ومش حلمى
بقيت فيلمه ومش فيلمى
بقيت كلمه ده بيقولها
ويرجع عليها ويلومنى
عمرى ما قلت انا مره لأ
عمرى ما رفعت عليه صوتى
حتى لو كنت يوم على حق
بعلن غضبى بسكوتى
سبته جريت وبقيت وحدى
ماشى فى غربتى بطولى
ضل هزايمى على أرضى
و مافيش مكان لسرورى
ما بقتش شايف قدامى
بشوف طريقى بكفوفى
واحد دلنى ورجع هدنى
فى نور الشمس مكفوفى
أنى ارجع مش كرامه
كرامه ايه ده دمى منه
يأسى عليا شويه و يحن
و برضه مكانى فى حضنه
ماهو أبويا
Friday, May 18, 2007
أبويا
Subscribe to:
Post Comments (Atom)
5 comments:
7elwa geddan geddan
gamda awi wallahey ya lotto eeh el7alawa deh yad yalla maho shakl mafesh 7ad 3'ery we 3'erak be2ra loool
يااااااه بقى انت مقضيها هنا كتابات زى الفل وسايبنا هناك فى ال360دمنا محروق من العالم الفاضيه...طاب ياسيدى حن علينا بأى حاجة
بالنسبة بقى للكلام التحفه اللى انت كاتبه إسمحلى أقول ااااااااااه....ابوك وابويا وامك وامى وكل من له إبن...لازم يحقق اللى هما ماقدروش يعملوه وفرض عليه يكمل مشورا مابدأهوش ولا اختارهوش ولا يناسبوش كمان.....عمرك وعمرى ماقولنا لأ ولا هنقولهالهم...المشكله يابنى انك شايل جميلهم على راسك وعمرك ماهيهون عليك تكسر نفسهم....وزى ماقولت مهما جريت وبعدت واتمردت وصرخت وهربت...بردوا مالناش غيرهم...مهما عملوا مش هنقابل احن منهم....هو بينى وبينك ممكن نقابل حد احن بس مش دمى وعمره مايحس بهمى
ومش هنسى أشكرك شكر كبيييير على الأغنية بتاعت "رسينى" شديييييدة واكيد طبعا عجبتنى وحبيتها وحفظتها وحياتك
ايه ده؟
ياعم ممدوح اهنيك
وعلى رأي شادو 360 ايه الي احنا عمالين بنلف فيه ندور على اي حاجه ممكن تتقري فيه مش لاقيين
ربنا يوفقك
والله يا جماعة انا متشكر قوى بجد على الكلام الكبير قوى ده بجد انا مبسوط قوى ان كلاو لطفى عجبكوا و ياريت يكون اللى مكتوب كله عجبكوا
متشكر يا شادو و شرفتى الصفحة
متشكر يا شريف و يارب نشوفك هنا علطول
gayebha 3laya belzabt ya kalb,,,,,
bas 2na mabsoot 3lshan tele3t fe el net,,,hahaha
nayl
Post a Comment