قلم رصاص صغير مبرى وطالع عينه
كل اللى يكتب بيه يلعن سلسافينه
القلم كل ذنبه انه قلم رصاص صغير
و مش مشكلته ان الناس مش فاهمينه
عارف شعور لما دماغك تبقى سفنجه
و انك بقالك عشر سنين عايش فى خانكه
و ان كل اللى حواليك هبل و انت التمام
ايوه طبعا عارفه مش برضه عصير المانجه
كنت قاعد معايا و معرفش ليه خايف
خايف عليه ..او منى...مش عارف
طلع سكاتى قاللى كفاياك بقى مناهده
خلاص اخدت انا قرارى و قلتلى اّسف
جوايا عود حزين و قانون مضايق
بيعزفوا ويا بعض لحن الحقايق
العود حزين عشان خلاص وقته راح
و القانون مستنى فرج الخالق ع الخلايق
Thursday, May 24, 2007
ربـــــــــاعــــيــــــــــات
Subscribe to:
Post Comments (Atom)
1 comment:
shoof ana geet 3al site kam mara ...bs awel mara a7'od baly mn 7ekayet dema3'ak teb2a safenga di...3agbany awi
Post a Comment